Klinton Start, ambassador ng isang int’l. magazine

SOBRANG happy at thankful ni Klinton Start dahil isa siya sa kauna-unahang ambassador ng international magazine na Pulchritude Juvenis na pinamamahalaan ng Pinoy na si Allen Castillo na siya ring creative director ng sosyal na magazine.

Ayon kay Klinton “Thankful ako kay Lord kasi binigyan niya ako ng bagong proyekto. Ito ‘yung pagiging ambassador ng ‘Pulchritude Juvenis Magazine’ na isang international magazine.Nagpapasalamat din ako kay Sir Allen (Castillo) dahil kinuha niya ako at pinagkatiwalaan para maging isa sa magpo-promote ng kanilang magazine.”

Bukod sa Pulchotude Juvenis Magazine, ambassador din ang tinaguriang  Supremo ng Dance Floor ng CN Halimuyak Pilipinas na pag-aari ng napaka-ganerous na si Nilda Tuason,  Ysa Skin And Body Experts na pag aari ni Sheila Nazal, Switch Limited Apparel na pag-aari ng UPGRADE member na si Casey Martinez, at H & H Makeover Salon.

Regular din itong napapanood sa IBC 13 at SMAC TV Production variety/game show na Yes Yes Show with Awra Briguela, Justine Lee, Matteo San Juan, Rish Ramos, Kikay and Mikay, Rayantha Leigh, JB Paguio, Hashtag Jimboy Martin, at Karen Reyes.

Nakasama rin ito sa matagumpay na online concert ng SMAC TV Production, ang Kaya Kong Magbasa na ang kinita ay ibanahagi sa mga piling eskuwelahan.

Kuwento nga ni Klinton, “Masarap po sa pakiramdam na habang ginagawa mo ‘yung mga bagay na gusto mong gawin katulad ng pagsayaw at pagho-host ay nakatutulong ka pa.

At kahit nga may mga proyekto itong ginagawa ngayon, hindi nito pinababayaan ang pag aaral via online na first year college ng kursong BSBA Major in Marketing sa Trinity University of Asia.

MATABIL
ni John Fontanilla