HATAW! D'yaryo ng Bayan hatawtabloid.com
PAGBIBIDAHAN nina Teejay Marquez at Jerome Ponce ang kauna-unahang webseries (BL series) na Ben x Jim ng Regal Entertainment.
Hindi na nga maawat pa ang kasikatan ng BL series sa bansa kaya naman kahit ang malalaking kompanya katulad ng Regal Entertainment atbp. ay gumagawa na rin.
Ito ang kauna-unahang pagkakataon na gagawa ng BL series si Teejay kaya naman kakaiba iba ito sa mga nauna na niyang nagawa tulad ng Hellcome Home, Basement, at G! LU!
“Bale first time na gagawa ako ng BL series kaya ibang-iba ito sa mga dati ko ng nagawang mga proyekto,
“Noong inalok sa akin ‘yung project at nabasa ko ‘yung script, maganda siya kasi may aral kang makukuha sa story ng ‘Ben x Jim,’ bukod sa na-challenge ako dahil first time ko nga na gagawa ng BL series, bukod pa sa hit na hit ang ganitong palabas sa Pilipinas ngayon.
“Dagdag pa riyan na magaling na aktor ang makakasama ko, si Jerome.”
Si Ben si Teejay sa Ben x Jim at si Jerome si Jim na matalik na magkaibigan na kalaunan ay made-develop at mai-in love sa isa’t isa.
Ang Ben x Jim ay mula sa panulat at direksiyon ni Easy Ferrer, hatid ng Regal Entertainment at mapapanood sa Regal Entertainment, Inc. Facebook page at YouTube channel sa September 2020.
MATABIL
ni John Fontanilla
