Sylvia, nawiwili sa KDrama

ANG panonood ng KDrama Series ang isa sa pinagkakaabalahan ni  Sylvia Sanchez lalo’t lagi itong nasa bahay ngayon dahil na rin sa hindi pa nagre-resume ang taping ng kanyang serye at shooting ng kanyang pelikula.

Bukod nga sa paborito nitong gawin ang pagluluto na bonding na rin nila ng kanyang mga anak, nawiwili na rin ito sa panonood ng KDrama Series.

At isa nga sa Korean drama na talaga namang tinututukan nito, ay ang It’s Okay To Not Be Okay na pinagbidahan nina Kim Soo-hyun, Seo Ye-ji, at Oh Jung-se na ang kanyang magandang daughter na si Ria Atayde, isa sa host ng TV5 newest celebrity talk show, Chika BESH ( Basta Everyday Happy) ang nagrekomendang panoorin.

Ayon nga kay Sylvia, gustong-gusto niya ang nasabing KDrama  dahil maganda ang story na kapupulutan ng aral at mahusay ang pagkakagawa.

Post nga nito sa kanyang IG account, “Acting, directing and tackling mental health issues. Don’t miss out on this show, guys! Watch it if you haven’t yet.” 

MATABIL
ni John Fontanilla