Sikat na matinee idol, naalarma (picture niya sa kama, kalat na nga ba?)

MUKHANG naalarma ang dating sikat na matinee idol sa lumabas nating blind item tungkol sa kanyang picture na nakahiga sa kama sa loob ng kuwarto sa condo ng isang gay designer.

Tinawagan daw ng dating sikat na matinee idol ang gay designer at tinanong kung may pinagpakitaan ba siya ng pictures?

Siyempre nag-deny naman ang gay designer at sinabing walang ibang taong nakakita ng pictures ng dating sikat na matinee idol, at hindi naman masasabing siya lang ang matinee idol na nakunan ng ganoong pictures. Kumalma naman ang dating sikat na matinee idol, pero ano kaya ang kanyang magiging reaksiyon kung malalaman niyang may blind item na naman tungkol sa ginawa niyang pagtawag sa gay designer matapos na lumabas ang blind item?

Tiyak iyon alam na niyang siya nga iyon.

 (Ed de Leon)