Kitkat, host ng bagong noontime/game show ng Net 25

SA halos limang buwang pamamalagi sa kanyang bahay at pagtanggi sa mga proyektong inaalok kay Kitkat dahil sa takot sa Covid-19, lumabas na sa wakas ang komedyana at Beautederm ambassador para sa contract signing ng isang bagong noontime/game show na pagsasamahan nila ni Anjo Yllana.

Ani Kitkat nang makatsikahan namin kamakailan, “Five months and seven days din akong hindi lumabas ng bahay dahil sa takot kong madapuan ng Covid-19 lalo na ngayon na mas dumarami ang nahahawa.

 

“Kaya mas pinili ko muna na mag-stay na lang sa bahay at ‘wag tumanggap ng trabaho.

“Pero last August 10, lumabas na ako for contract signing ng bagong show ko pero in-assure ko ang safety protocols lagi.

“Eto kasi sarili kong show bigay na ni God. Alam kong ito ‘yung sign para lumabas. ‘Yung labas ko sa sunod sa studio lang lagi.

“Yung bagong show ko ay ‘Noontime/Game Show’ po sa Net 25, ako at si Anjo Yllana ang host. Sariling show po naming, ako ito at ako rin ang kakanta ng theme song, at mapapanood ito araw-araw.”

Sinabi pa ni Kitkat na, “Magpi-pictorial, magda-dryrun, at magti-taping na kami ng pang- teaser lang muna.”

 

Kuwento pa nito sa kanyang unang paglabas after five months, “Wah nahilo ako parang mahihimatay ako kahapon paglabas sa garahe at sakay kotse hahaha, ang lakas ng kabog ng dibdib ko.

“Pero nilakasan ko na lang loob ko at inisip na sayang ‘yung proyekto kung tatanggihan ko dahil maganda ‘yung project bukod sa araw-araw siya at kami mismo ang host ni Anjo.”

At kahit lumabas na ito ay wala pang balak na pumunta ng mall o mamasyal si Kitkat, “Ayyyy hindi ko po keri ang lumabas ng bahay na walang kapararakan hahaha, takot ako.”

Mas gusto nitong manatili na lang ng bahay kaysa gumala at lalabas lang kapag may trabaho.

 

MATABIL
ni John Fontanilla