Nadine, napakinabangan ang pagkahilig sa flower arrangements

MULA sa pagkahilig sa floral arrangement ni Nadine Lustre na ginagawa niya sa kanyang bahay, ngayon ay isa na rin ito sa kanyang negosyo.

Ang dati ngang hobby ni Nadine ay pinagkakakitaan na rin ngayon. Makikita ang magagandang flower arrangement ng aktres sa kanyang IG account. Maraming netizens lalo ang kanyang avid supporters ang nabighani at nagnanais na magkaroon ng isa man lang sa gawa ni Nadine.

At nang magsimulang ibenta ito sa @bettyblooms, selling like hotcakes  at laging sold out dahil sa rami ng bumibili at naghahanap ng floral arrangement ni Nadine.

Bukod sa negosyong flower arrangements, selling like hotcakes din ang sarili nitong pabango na siya mismo ang pumili ng scent at napakagandang packaging, ang Luster, Nadine Lustre Perfume.

MATABIL
ni John Fontanilla