Sexy male star, crush ni Attorney

“SI Attorney, yes iyong napakadalas ngayon sa TV na kamukha ni Balot, may crush pala sa sexy star na may asawa na,” sabi ng aming source.

Nakita raw ang sexy male star na kung ilang ulit nang kausap si Attorney na “kamukha ni ballot.” Hindi naman nakapagtataka, dahil iyang sexy male star na iyan ay natsismis na rin noong araw sa isa pang gay politician na matagal din niyang naging “supporter.” Iyang sexy male star, “sanay na maging beneficiary ng mga gay politician.”

Kaya pala wala siyang nagiging problema wala mang masyadong trabaho ang mga artista ngayong panahon ng pandemic. Pero alam kaya ng selosa niyang misis na aktres din ang tungkol sa kanyang mga “secret friend?” Alam din ba ng father in law?

(Ed de Leon)