Darwin at Enzo, palaban sa BL series na My ExtraOrdinary  

MAPAPANOOD na sa Agosto sa bago at pinalakas na TV5 ang usong-usong BL or Boys Love series, ang My ExtraOrdinary na hatid ng AsterisK Digital Entertainment at idinirehe ni Jojo Atienza.

 

Ang My ExtraOrdinary ay pinagbibidahan nina Darwin Yu at Enzo Santiago kasama sina Mikko Gallardo, Samuel Cafranca, at Philip Dulla.

 

Hindi na maituturing na baguhan sa showbiz sina Enzo at Darwin dahil si Enzo at napanood na sa ilang proyekto ng SMAC TV Productions Inc. at sa gay film na Young Love  mula sa Boy Abunda Originals.

 

Samantalang si Darwin naman ay napanood sa pelikulang Ist Sem noong 2016 na napansin ang kanyang husay sa pag-arte at na-nominate sa Star Awards For Movies 2017 at nakagawa pa ng dalawang international film.

 

Parehong palaban at handa sa maiinit na eksena sina Darwin at Enzo at kahit may kissing scene, game na game sila.

 

Hindi rin natatakot na ma-issue na bakla o may karelasyong bakla ang mga ito dahil trabaho lang naman ang ginagawa nila.

MATABIL
ni John Fontanilla