Paolo Ballesteros, Eat Bulaga-bahay lang (Sa takot sa Covid-19)

DOBLE ingat ngayong balik-trabaho na si Paolo Ballesteros lalo’t pataas nang pataas ang bilang ng mga Pinoy na may Covid-19.

Kaya naman bukod sa Eat Bulaga na napapanood sila mula Monday to Saturday, wala na silang tinatanggap na trabaho ng kanyang manager.

Tsika ni Paolo nang matanong kung ano ang pinagkakaabalahan bukod sa Eat Bulaga, “Naku waley haha, Bulaga lang para work at bahay lang. Iwas corona hehe.”

At kahit nga may mga pelikula na iniaalok sa kanya, hindi nia ito tinatanggap  dahil na rin sa Covid-19. “Hmmm mayroong inquiry pero ‘di pa rin ako pinayagan ng manager ko gumawa ng movie sa panahon na ito kasi nga nakatatakot din. Baka mga next year na.”

Ayaw din nitong maglalabas ng bahay at halos ilang buwan na rin siyang ‘di nakakapunta ng mall. Eat Bulaga at bahay lang ang kanyang everyday routine.

Pero pag-amin nito na lately ay nag-mall siya para bumili ng bagong damit na gagamitin sa Eat Bulaga. “Once pa lang ako nag-mall at mabilisan lang sa isang shop lang kami nagpunta kc wala nako damet hehe naulit ulit na kaya namili lng damet tas kumaen tas uwe hehe.”

Mas mabuti na ang nag-iingat para ‘di madapuan ng sakit lalo na’t hindi pa nadidiskubre ang vaccine para sa Covid-19.

MATABIL
ni John Fontanilla