HATAW! D'yaryo ng Bayan hatawtabloid.com
DASAL at mabilis na paggaling ang ang hiling ng mga kaibigan, kamag-anak, at kapwa taga-ABS-CBN ni Mavic Holgado-Oducayen, EP ng afternoon show sa Dos, ang Pamilya Ko.
Ayon sa isang malapit kay Oducayen, inatake ang EP matapos matanggap ang notice mula sa HR na tanggal na siya sa ABS-CBN. Hindi nag-iisa si Oducayen sa nakatanggap ng termination paper sa Kapamilya Network matapos hindi i-renew ang kanilang franchise.
Ininda raw nito nang sobra ang nangyari sa ABS-CBN at ang pagkakatanggal sa kanya.
“Kaya nang matangap niya ng hapon ang termination, noong gabi inatake na,” anang isang taga-ABS.
Nasa isang ospital ngayon sa Quezon City ang naturang EP at kasalukuyang nakikipaglaban sa kanyang buhay.
Ang alam namin, matagal na sa Kapamilya Network si Ms. Oducayen kaya naman bukod sa Pamilya Ko, hinawakan din niya ang mga programang Lumayo Ka Man Sa Akin, Hiyas, Pintada, Angelito, Annaliza, Magphanggang Wakas, at Halik.
Tulad ng mga kaibigan at kamag-anak ni Oducayen, panalangin din ang aming hatid at hangad naming malampasan niya ang pagsubok na ito.
SHOWBIZ KONEK
ni Maricris Valdez Nicasio
