HATAW! D'yaryo ng Bayan hatawtabloid.com
LAHAT ng kakilala namin sa TV5 ay tinanong na namin tungkol sa tsikang hindi na tuloy ang programang Love Life with Kris ni Kris Aquino na nakatakdang umere sa Hulyo 25, Sabado, 5;00 p.m..
Ang iisang sagoti sa amin, “no idea po, walang binabanggit ang management.”
Dagdag pa, “ang alam lang po namin, hindi na matutuloy ang rebranding ng TV5 as One TV, say’s MVP (Manny V. Pangilinan) still TV5.”
Excited pa naman si Kris na i-post ang mga bago niyang pictorial sa kanyang Instagram account nitong weekend at nilagyan na niya ng titulong Love Life with Kris.
At ang dami na ring sumulat sa show dahil halos lahat ay masaya sa muling pagbabalik ni Kris sa telebisyon pagkalipas ng ilang taong hindi siya napanood.
Pati mga dating sponsors ay isa-isang nagbalikan na at bukod pa sa maraming nakalinya for negotiations.
Kahapon ay nakarating sa amin na hindi tuloy ang programa sa TV5 na tila may hindi napagkasunduan ang management at ang producer ng programa kasi nga blocktimer ito.
Sinilip namin ang IG ni Kris pero deactivated ito, ayon sa taong malapit sa kanya.
Katwiran ni Kris, “Ang dami-dami nang problema ng mga tao, ‘di na ako dapat dumagdag pa.”
Tinext namin ang manager ni Kris na si Erickson Raymundo ng Cornerstone Entertainment, “we don’t have final word yet.”
May pahabol naman ang taga-TV5, “still working on it.”
FACT SHEET
ni Reggee Bonoan
