Thursday , February 20 2025

Allen gumawa ng kasaysayan, waging double Best Actor para sa Mindanao at Alpha, The Right To Kill

GUMAWA ng kasaysayan ang multi-awarded actor na si Allen Dizon nang manalong double Best Actor at tanghaling PinakaPASADOng Aktor para sa Mindanao at Alpha, The Right To Kill sa 22nd Gawad Pasado 2020.

 

Ayon sa PASADO (Pampelikulang Samahan ng mga Dalubguro): Sa taong ito lalong naging mapanuri ang mga guro sa Kategoryang PinakaPASADOng Aktor. Ang bawat aktor ay may kanya-kanyang kalakasan sa pagganap. Patunay nito ang pagpasa nila sa mapanuring kaisipan ng mga guro. Binigyang halaga ng PASADO ang tindi ng kanilang pagbuhay sa kanilang karakter at haplos ng damdamin na mga salita at kilos.

 

Tatlong aktor ang pumasa sa mga guro subalit sa kauna-unahang pagkakataon sa kasaysayan ng GAWAD PASADO may isang aktor ang gumawa ng kakaibang kasaysayan sa kategoryang PinakaPASADOng Aktor dahil sa magkaibang galaw niya sa dalawang pelikula na kapwa pumasa sa mapanuring rubrik ng mga guro. Labanan ito ng galing ng kanyang kapwa sarili, iyan si Allen Dizon!

 

Mas lalong masidhi ang kanyang pagganap na masusukat lamang sa lalim ng tema ng mga pelikula at sa kanyang mga parangal sa loob at labas ng bansa. Maaaring isa siya sa iilang katangi-tanging aktor ng kasalukuyang panahon na hindi lamang nangangapital sa kisig at rahuyo, bagkus sa husay at disiplina sa kanyang sining. Karapat-dapat siyang maihanay sa mga aktor ng pinilakang tabing sa Filipinas na nakapagbigay ng karangalan hindi lamang sa sarili kundi sa bansa at sa industriya ng pelikula.

 

Sa pelikulang Mindanao ay ginampanan ni Allen ang papel ng sundalong nakikipaglaban para sa bayan habang iginugupo ng sakit na kanser ang kanyang anak. Sa Alpha, The Right to Kill ay isa siyang corrupt ay imoral na pulis na ginagamit ng may mataas na posisyon para sa illegal na pagpapatakbo sa droga.

 

Sa kasaysayan ng Gawad Pasado ay naka-anim na panalo si Allen. Kabilang dito ang Lauriana ni Mel Chionglo 2014, Magkakabaung ni Jason Paul Laxamana 2015, Iadya Mo Kami ni Mel Chionglo 2017, Bomba ni Ralston Jover 2019, Mindanao at Alpha, The Right To Kill na parehong obra ni Direk Brillante Mendoza 2020.

 

Next year ay inaasahan na igagawad kay Allen ang Gawad Pasado Dambana Ng Kagalingan bilang PinakaPASADONG Aktor (Best Actor Hall of Fame).

Congrats ulit Allen at sa manager niyang si Dennis Evangelista!

ALAM MO NA!
ni Nonie Nicasio

About Nonie Nicasio

Check Also

Jillian Ward Michael Sager

Jillian Ward ayaw pang magka-BF

MATABILni John Fontanilla SA ganda ng itinatakbo ng showbiz career ni Jillian Ward, ayaw pa nitong …

Kris Aquino

Kris balik-trabaho, 3 araw bed rest

MA at PAni Rommel Placente KAHIT simple ay naging memorable para kay Kris Aquino ang pagdiriwang ng …

Gerald Anderson Jessy Mendiola Luis Manzano

Luis umokey kissing scene ni Jessy kay Gerald

MA at PAni Rommel Placente SA bagong serye ng ABS-CBN na Nobody, sina Gerald Anderson at Jessy Mendiola ang magkapareha rito. Hindi …

Miguel Tanfelix Carlos Yulo

Miguel wagi sa panggagaya kay Carlos

ALIW na aliw naman ang marami pati na kami rito sa Hataw sa nag-viral na video ni Miguel …

Derek Ramsay Ellen Adarna

Derek pumalag sa bintang na pera ang habol kay Ellen

PUSH NA’YANni Ambet Nabus NIRESBAKAN ni Derek Ramsay ang mga netizen na nag-aakusa sa kanya na kesyo …

Leave a Reply

Your email address will not be published. Required fields are marked *