Rei Tan, ibinigay ang Hermes Birkin bag at Christian Louboutin shoes para sa Shop & Share 2020

NASA sistema na talaga ni Ms. Rei Tan, CEO/President ng Beautederm ang pagiging matulungin.

Pagkatapos niyang ipa-auction ang mga branded collection na mga personal niyang gamit, na ang kinita ay ipinantulong sa mga frontliner at mga biktima ng Covid-19, heto’t nakibahagi naman siya sa online auction ng magkaibigang Angel Locsin at Anne Curtis na Shop & Share 2020.

Ang proyekto ay naglalayong makalikom ng pondo para ipambili ng test kits para sa Covid-19. Ito’y upang makapagsagawa ng mass testing sa bansa, lalo na para sa mga underprivileged at walang kakayahang magbayad para rito.

Ayon sa Facebook post ni Ms. Rei, “My bag and shoes will be given to www.shopandshare.store (auction) In hopes of aiding the government in increasing the testing of covid 19 in our own little way. #letshelpflattenthecurve #ContriBeaut #ShopAndSharePH #YestoLove.

Ang bag na ibinigay ni Ms. Rei ay isang Hermes Birkin, at ang shoes ay Christian Louboutin.

Isang certified collector ng mamahaling bags si Ms. Rei. Pero dahil sa adhikaing makatulong sa panahon ng Covid-19 pandemic ay okey lang sa kanya na mabawasan ang collections.

MA AT PA
ni Rommel Placente