Mga teleserye sa Dos, balik-ere na

ANG top-rating series ng ABS -CBN 2 na FPJ’s Ang Probinsiyano, na pinagbibidahan ni Coco Martin ay magbabalik na sa ere.

Muli itong mapapanood sa telebisyon. Pero dahil pansamantala pang nakasara ang ABS CBN 2, kaya mapapanood muna ito sa Kapamilya channel na available sa SKY, Cablelink, G Sat, at karamihan ng cable operators na miyembro ng Philippine Cable Television Association (PCTA) sa buong bansa, simula sa June 13.

Ang una munang mapapanood sa Pambansang Teleserye ay ang ten-episode recap nito, bago i-release ang bagong episodes nito.

Bukod sa FPJ’s Ang Probinsyano, mapapanood ding muli sa Kapamilya channel ang seryeng A Soldier’s Heart sa weeknights na pinagbibidahan nina Gerald Anderson, Elmo Magalona, Yves Flores, Nash Aguas, Jerome Ponce,  at Carlo Aquino; at Love Thy Woman na bida si Kim Chiu, sa weekdays.

Mapapanood din ang noontime variety shows na It’s Showtime at  Natin ‘ To sa kanilang live presentation.

Ang Magandang Buhay nina momshies Jolina Magdangal, Melai Cantiveros, at Karla Estrada at ang new season ng The Voice Teens na ang mga coach ay sina Apl.de.ap, Sarah Geronimo, Bamboo, at Lea Salonga ay mapapanood din sa weekends.

MA AT PA
ni Rommel Placente