HATAW! D'yaryo ng Bayan hatawtabloid.com
HETO ulit si Angel Locsin, ibinebenta ang 2015 Dodge Durango van para sa balik-launch ng itinayong Shop & Share para makalikom NG pambili ng Covid-19 testing kit.
Base sa post ni Angel sa Shop & Share IG account, “We will officially launch SOON with some exciting pre-loved items from your favorite celebrities! Please visit www.shopandshare.store to sign up for notifications when we go live!
“Shop & Share is dedicated to help our fellow Filipinos who need to be tested during this COVID-19 pandemic. With what we are able to raise, it is our aim to cover the expense for testing kits to the underprivileged who are affected by this global crisis. We pursue this mission humbly, with compassion and kindness in hopes of aiding the government in increasing testing for COVID-19 in our own little way. #ShopAndShare2020 #AngelLocsin”
May kausap kaming artista at napag-usapan namin si Angel tungkol sa lahat ng kawanggawa niya at dumating sa tanong na, ‘ano kaya ang next na ibebenta niya?’ Pagkalipas ng isang oras, heto biglang ipinost na ang luxury van ng aktres at for sale na.
Nagkagulatan kami ng kausap naming artista at sabay pagkumusta sa kasal nina Angel at Neil Arce ngayong taon.
Lagi rin naming itinatanong sa aktres ang tungkol sa kasal nila ng fiancé niya, pero ang laging sagot sa amin, “sa ngayon Ate hindi ko masagot, wala ako masasabi pa dahil sa mga nangyayari ngayon.”
Wala rin kaming nababalitaang inaasikaso nina Angel at Neil ang kasal nila dahil mas nakatuon sila sa pagtulong sa Covid-19 pandemic.
At kung matutuloy, malamang hindi na ito tulad ng unang plano ng dalawa na bongga dahil marami silang imbitado. Sa ngayon kasi ay 10 katao na lang ang pinapayagang dumalo sa kasal, kasama na ang magulang both sides at ninong/ninang.
FACT SHEET
ni Reggee Bonoan
