Mayor Vico, aminadong ginagaya ang magagandang practice ng ibang LGUs

DAHIL sa ipinakitang magandang serbisyo-publiko ni Pasig City Mayor Vico Sotto sa kanyang mga constituents lalo na ngayong nakararanas tayo ng Covid-19, ikinukompara siya sa ibang mayors. Pero ayon sa anak ni Vic Sotto,  huwag na sanang ikompara sa isa’t isa ‘yung mga LGU.

“Kung constructive, okey lang naman, kasi alam ninyo, rito kami sa Pasig, kapag may nakikita po kaming magagandang practice sa ibang LGU, ginagaya po rin namin.

“Halimbawa po, ‘yung anti-panic buying and hoarding ordinance sa Valenzuela City, in-adapt po namin sa Pasig, ginaya po rin namin.Kaya kailangan po, ‘yung mga LGU, hindi po dapat negatibo ‘yung comparison, kundi magtulungan na lang po kami,” sabi ni Mayor Vico sa interview sa kanya ni Jessica Sojo para sa 24 Oras.

MA at PA
ni Rommel Placente