HATAW! D'yaryo ng Bayan hatawtabloid.com
NA-BRIEF kaya si Kylie Versoza bago inumpisahan ang program ng 2020 Metro Manila Summer Film Festival nitong Lunes na ginanap sa Novotel, Araneta City dahil ang dami niyang bloopers.
Okay lang na namali siya sa pagbati niya ng, ‘good evening’ dahil baka nasanay siyang parating gabi ang event na dinadaluhan.
Pero ang ikinaloka ng lahat ay nasundan na ito nang nasundan pati pagbigkas ng mga pangalan ng kilalang personalidad lalo na ang National Artist na si Bienvenido Lumbera na ginawang ‘Lumbero’ malinaw naman siguro ang pagkakasulat o hindi lang nabasang mabuti ni Kylie?
Ang pagkakaalam kasi namin bago sumalang sa entablado ang mga host ng isang event ay binabasa nila ng paulit-ulit backstage ang lahat ng cue cards at ‘pag hindi nila alam ay nagpapaturo sila sa writer na gumawa nito.
At dapat inire-research din ng host ang tungkol sa event at kung ano ang layunin nito para may input siya in case kailangang i-stretch ang oras.
Baka naman first time ni Kylie mag-host ng event at kinakabahan kaya ganoon? The more sana na inaral niya ang gagawin niya.
Anyway, naging running joke na lang ng mga dumalo si Kylie na para sumaya ang event, kunin ulit ang dalaga maging host, ha, ha, ha.
FACT SHEET
ni Reggee Bonoan
