HATAW! D'yaryo ng Bayan hatawtabloid.com
PAGKATAPOS gumawa ng isang commercial sina Alden Richards at Bea Alonzo, na kinunan pa sa Thailand, may gagawin naman silang movie together.
Bagong kombinasyon at panibagong eksperimento na naman ng Star Cinema.
Tangkilikin din kaya ito ng publiko gaya ng ginawang pagtangkilik sa Hello, Love, Goodbye na itinambal ang actor kay Kathryn?
In fairness sa ka-loveteam ni Maine Mendoza, may hatak naman siya sa takilya, marami kasi siyang fan. Pero sa tingin namin, dapat ay si John Lloyd Cruz na lang ang kinuhang kapareha ni Bea. Sigurado kami na magiging super-blockbuster ang pelikula. Marami kasi ang nasasabik, lalo na ang die-hard fans ng kanilang loveteam, na muli silang mapanood sa isang pelikula.
Natatandaan namin, noong muling gumawa ng movie sina Bea at Lloydie after eight years, ‘yung A Second Chance (2015), sequel ng One More Chance (2007), naging Highest Grossing Filipino Film of All Time ito. Sobrang lakas kasi talaga nito sa takilya. Kaya sana ay sila na lang ulit ang pinagpareha ng nasabing movie outfit.
After nila, at saka na lang sana nila kunin si Alden bilang kapareha ni Bea, ‘di ba?
MA at PA
ni Rommel Placente
