HATAW! D'yaryo ng Bayan hatawtabloid.com
SOBRA ang kagalakan ng magaling na recording artist na si Erika Mae Salas nang mapasali siya sa pelikulang 26 hours: Escape From Mamasapano na tatampukan nina Edu Manzano, Ritz Azul, at Myrtle Sarrosa. Plano rin na kunin dito si Arjo Atayde bilang isa sa lead stars.
Sa ngayon ay hindi pa alam ni Erika Mae ang magiging papel niya rito, pero nagpahayag siya ng labis na kasiyahan. “As of now po ‘di ko pa po alam iyong magiging role ko sa movie, pero kahit po anong ibigay sa akin maliit man po ay very grateful and honored po ako na mapabilang sa movie,” saad ni Erika Mae.
Wika pa niya, “Sobrang saya ko po nang nalaman ko na kasama po ako sa movie. Very thankful po ako kay Tita Anne (Venancio) ‘coz she gave me this opportunity. Malaking boost po ito sa career ko. And thankful din po ako kay God dahil maganda ang pasok ng 2020 sa career ko. Hopefully magtuloy-tuloy pa po ang mga blessing.
“This is my third movie po, iyong isa is under Timeless Production at iyong Spoken Words po under RLTV Production na napabilang sa official soundtrack ang single ko na Ako Nga Ba which is released by Viva Records and is now out on all digital store po.”
Hinggil naman sa kanyang singing career, ito ang nabanggit sa amin ni Erika Mae. “Well as of now I am trying to improve myself as a singer po by continuously attending voice lessons. I am preparing myself for a possible musical play and planning to take Conservatory of Music para ma-enhance pa lalo ang knowledge ko sa music,” aniya.
Anyway, ayon kay Atty. Ferdinand Topacio, na siyang namumuno sa bagong tayong production company na Borracho Film Production, minarapat nilang gawing initial offering ang istorya ng tinuguriang “SAF44” sapagkat dapat malaman ng lahat ng Filipino kung anong tunay na nangyari sa Mamasapano. Matatandaang si Topacio rin ang abogado ng mga magulang ng SAF44 na nagsampa ng reklamong 44 counts ng Reckless Imprudence Resulting to Homicide sa Ombudsman laban kay dating Pangulong Benigno Aquino III at ang mga heneral na sina Alan Purisima at Getulio Napenas, na nagplano at nagsagawa ng Oplan: Exodus at nagresulta sa kamatayan ng SAF44.
Ang sumusulat ng script ay si Eric Ramos at ito’y pamamahalaan ni Direk Lawrence Fajardo.
ALAM MO NA!
ni Nonie Nicasio
