HATAW! D'yaryo ng Bayan hatawtabloid.com
“I ’M rooting for them, ito ang sinabi ni Maja Salvador noong huli namin siyang nakausap sa thanksgiving presscon ng The Killer Bride para kina Joshua Garcia at Janella Salvador.
At sa production number ng JoshNella sa ASAP Natin ‘To para sa finale ng The Killer Bride ay kinunan ni Maja ang sweet moments ng dalawa, lalo’t inaasar ng batang aktor ang kanyang kapartner.
Obviously botong-boto si Maja na magkatuluyan ang pamangking si Janella at si Joshua.
Aliw ang fans ng tatlong personalidad dahil pati sila ay nakikigulo rin sa socmedia, boto rin sila sa JoshNella at sa ginagawa ni Maja na panunukso.
May kissing scene sina Joshua at Janella sa pagtatapos ng The Killer Bride noong Biyernes at hiyawan ang mga nanonood at base sa mga nakita naming video ay marami ang kinilig, kaloka.
Nakadagdag pa ang pang-aalaska ni Maja na nagsisilbing kupido sa JoshNella.
Sabi ni Maja sa post niya, ”Huuuu maa-unfollow ako neto.”
Kasi naman itong si Maja humirit sa video nina JoshNella ng, “that’s your Emma or your baby?” sagot kaagad ni Josh, “That’s my baby.”
Sana may follow-up ang JoshNella at sa malaking telon na sana pagkatapos ng Block Z nila ni Julia na ipalalabas na sa Enero 29 handog ng Star Cinema.
FACT SHEET
ni Reggee Bonoan
