HATAW! D'yaryo ng Bayan hatawtabloid.com
IBANG klase ang stage presence ng talented na singer/songwriter na si Cool Cat Ash. Alive na alive kasi siya kung mag-perform, with matching electric guitar pa. Si Cool Cat Ash na kilala rin dati bilang si Ashley Aunor ay bunsong anak ng dating teenstar na si Ms. Maribel “Lala” Aunor.
Isa si Cool Cast Ash sa nag-perform sa benefit concert na Can’t Stop The Feeling na ginanap sa Music Museum recently. Ito’y pinamahalaan at tinampukan ni katotong Ambet Nabus with LA Santos, Joaquin Domagoso, Liezel Garcia, Miles Ocampo, Lexi Gonzales, Atak Araña, Jayson Gainza, Atty. Bruce Rivera, at Marion Aunor na humataw dito sa kanyang mga sikat na hugot songs.
Bukod sa opening number nila, bumanat ng rock na Christmas song si Ashley dito, plus siyempre, kinanta rin niya ang kanyang single na Mataba with matching production number pa. Habang kumakanta, siya ay sumasayaw, tumatakbo, at practically ay naglampaso sa stage si Ashley sa isa niyang song number nang nagpaikot-ikot siya sa sahig, to the delight of the audience.
Obviously, may pinagmanahan si Ashley ng talento sa musika dahil kilala sa husay sa pagkanta si Ms. Lala, pati na ang kanyang ate Marion.
Nakatutuwa dahil ang lakas ng dating ng single niyang Mataba na tungkol sa pagkontra sa body shaming.
Anyway, congrats ulit kay Ambet at sa lahat ng bumubuo ng benefit concert na ito na ang proceeds ay mapupunta sa Bahay Aruga Foundation.
ALAM MO NA!
ni Nonie Nicasio
