HATAW! D'yaryo ng Bayan hatawtabloid.com
MAY ‘di pala kagandahang ugali ang isang tanyag na male personality pagdating sa pera.
Kuwento ito tungkol sa rati niyang tauhang babae na pinagkatiwalaan niyang tumulong sa ginagawang special event. Isang patimpalak ‘yon ng kagandahan na nakuha nila ang rights mula sa isang banyagang holder para rito sa bansa idaos.
Ang bebae ang siyang utak sa likod ng madugong iskrip ng naturang pagtatanghal.
Nabayaran naman siya ng lalaking personalidad, tseke nga lang.
Makaraan ng noo’y inaabot na tatlong araw bago ma-clear ang tseke sa banko ay humahangos ang babae sa opisina ng lalaki para sabihing tumalbog ito at hindi niya nagawang tumataginting na pera na katumbas ng kanyang trabaho.
Mabango ang imahe ng lalaking personalidad sa showbiz. Sa katunayan, aabot na sa tatlo ang kanyang kompanya na nasa iba’t ibang linya sa mundo ng entertainment.
Ang latest, isang tauhan niyang babae rin na matagal nang naglilingkod sa kanya ang basta na lang niya tinanggalan ng kapangyarihan gayong mataas ang posisyon nito.
Da who ang male personality na ito? Itago na lang natin siya sa alyas na Ka Tunying de Vera.
(Ronnie Carrasco III)
