Bianca, sinisira ang sarili dahil lang sa pagseselos

SA mga hindi nakaaalam, malungkot ang pinagdaanang buhay ni Bianca Umali mula noong bata pa siya.

Kapos siya sa kalinga ng kanyang mga magulang kung kaya’t lumaking itinaguyod ng kanyang lola. Unlike kids her age, hindi masasabing normal ang paglaki ni Bianca hanggang magkaisip.

Even already in showbiz, matiyaga niyang napagsasabay ang kanyang studies. Pero in fairness kay Bianca, hindi siya ‘yung tipo ng mag-aaral na maipasa lang ang kanyang studies.

She managed to get above average grades sa kabila ng iskedyul niya sa showbiz. Palibhasa kasi ay isa siyang batang punompuno ng pangarap sa buhay.

Hindi maiaalis sa amin na ma-disorient sa tinatahak na direksiyon ni Bianca not when it comes to her career path, kundi ang tila pagka-focused niya lalo on her lovelife.

Tulad ng alam ng marami, dati silang may kaugnayan ng kapwa Kapuso actor na si Miguel Tanfelix. Kung anuman ang naging dahilan ng kanilang break-up, ang itunuturo’y ang pagiging sobrang selosa ng aktres.

The same characteristic ang walang dudang ipinakikita niya ngayon naman kay Ruru Madrid. Selos umano ang nagtulak kay Bianca para muntik na niyang masagasaan ang aktor (na itinanggi naman nito).

Nanghihinayang kami kay Bianca dahil kung tutuusi’y isa siya sa mga young prized gems ng GMA. Maganda na’y nag-uumapaw pa ang talento.

Pero kung magpapakasira rin lang siya nang dahil lang sa lintek na pagseselos na wala namang kawawaan, tiyak na may paglalagyan ang kanyang career.

Sinasayang na ni Bianca ang kanyang ganda’t telent, mukhang siya na rin mismo ang gumagawa ng dahilan para masayang ang mga oportunidad na dumarating sa buhay niya.

HOT, AW!
ni Ronnie Carrasco III