Obstruction sa Tondo ipinatanggal ni Isko

PINANGUNAHAN ni Manila Mayor Francisco “Isko Moreno” Doma­goso ang road clearing operations sa ilang bahagi ng Moriones St., sa Ton­do, Maynila, kahapon.

Dinatnan ni Moreno ang mga kulungan ng manok na panabong at iba pang road obstructions sa nasabing lansangan.

Desmayado si Moreno dahil ginawang tambakan ng kung ano-anong mga gamit ang center island sa bahagi ng Barangay 123, Zone 9.

Humarap kay Moreno ang kapitan ng barangay para magpaliwanag.

Giniba rin ang isang container van na nasa kalsada at ginagamit na barracks ng mga traba­hador ng isang contractor.

Nang mabuksan ang container van, kompleto ito sa gamit na mayroong sofa at may kama pa.