HATAW! D'yaryo ng Bayan hatawtabloid.com
BAGAY naman pala kay Matteo Guidicelli na gumanap ng offbeat role dahil ang karakter niyang Paul sa pelikulang Mina –Anud kasama sina Jerald Napoles, Mara Lopez, at Dennis Trillo ay kabaligtaran ng lahat ng pelikulang nagawa na niya.
Nasanay tayong lahat na good boy ang aktor kaya inakala nating hindi na siya tatanggap ng role na malayo sa imahe niya.
Si Paul sa Mina-Anud ay mayaman at self-centered guy na puro sarili ang iniisip at kung ano ang magpapaligaya sa kanya.
Masyado niyang mahal ang sarili dahil endorser siya ng isang brand ng corned beef at dahil sikat sa mga kaibigan kaya hinahangaan siya ng lahat.
Mahilig sa party si Matteo at sinasamahan ng kalokohan dahil hinahainan niya ng droga ang mga kaibigan, bad influence sa madaling sabi.
Nagulat din kami sa mga eksenang pinagkakaguluhan si Matteo ng mga babae at threesome pa, bagama’t suggestive ito. Pati mga linya niya tungkol sa babae kapag lovemaking ay nakagugulat. Tawanan ang mga katabi naming nanonood sabay banggit ng pangalan ni Sarah Geronimo.
Hello, sa kakaibang karakter na ipinakita ni Matteo ay iisa lang ang ibig sabihin, may iba pa pala siyang kayang ipakita kaysa palaging good boy.
Looking forward sa mas nakatsa-challenge na role kay Matteo at panahon na rin para mabago ang pagtingin sa kanya sa screen.
Napanood namin ang Mina-Anud bilang closing film sa Cinemalaya 2019 sa Tanghalang Nicanor Abelardo Main Theater nitong Sabado, Agosto 10 at mapapanood ito sa mga sinehan sa Agosto 21 mula sa direksiyon ni Kerwin Go at ipinrodyus ng Regal Films, Epic Media, at HOOQ Originals.
FACT SHEET
ni Reggee Bonoan
