Kriminal walang lugar sa Maynila — Isko

NAARESTO ang tatlong most wanted personalities sa Maynila ng mga tauhan ng Manila Police District (MPD).

Kinilala ang mga suspek na sina Irwin Pelina, no. 8 most wanted ng MPD sa kasong robbery with unnecessary violence; Bob Anel Navarro, no. 4 most wanted person ng Moriones Police Station sa kasong rape; at Jason Fullantes, no. 1 most wanted ng Ermita Police Station sa kasong rape.

Iniharap kahapon ang mga naturang suspek kay  Manila Mayor Isko Moreno.  Ayon sa alkalde walang puwang sa lungsod ang lahat ng uri ng masasamang elemento, kaya hinihiling niyang huwag maghasik ng kriminalidad o lisanin na lamang nila ang Maynila.