Lea, dagdag at ‘di kapalit ni Kris sa pag-eendoso ng sabong panlaba

PAGKATAPOS sagutin ni Kris Aquino ang netizen na nagtanong sa kanya kung nasa Ariel detergent pa siya ay si Lea Salonga naman ang tinanong kung pinalitan na niya ang una bilang endorser ng nasabing detergent powder.

Base sa panayam ng PEP kay Lea kamakailan, nagulat siya sa tanong na siya na ang bagong nageendoso ng sabong panlaba na mahigit isang dekadang inendoso ni Kris.

Aniya, ”Why? I don’t understand why because I’m doing a different variety of Ariel, introducing ang brand new variety, a brand new variant, a brand new thing. It’s not a replacement, it’s addition! So if anything, I think the fans of the commercials of the product should be glad that, ‘o here’s another option for you to maybe try and hopefully enjoy also.’ I’m an also (endorser), I’m not replacing anybody.”

Klaro ang pahayag ni Lea na wala siyang pinalitan kundi dagdag siya bilang endorser dahil may bagong variant ang Ariel.

To date ay napapanood pa namin ang Ariel TVC ni Kris at puwedeng sabihing tinatapos na ang kontrata niya sa Procter and Gamble.

Tama si Lea na additional siya bilang endorser ng nasabing sabon panlaba at ipinakikilala niya ang bagong dagdag na produkto ng  detergent.

Nakausap si Lea sa set visit ng nagbabalik na reality show na The Voice Kids sa ABS-CBN.

FACT SHEET
ni Reggee Bonoan