HATAW! D'yaryo ng Bayan hatawtabloid.com
DALAWANG Yam sa showbiz industry magsasama sa pelikula, ito’y sina Direk Yam Laranas at aktres na si Yam Concepcion.
Direk Yam directs Yam, ”ha ha oo nga, Yam + Yam,” natawang sabi sa amin ng direktor.
Horror movie ang pelikulang isinu-shoot ngayon nina direk Yam at Yam kasama sina Michael de Mesa at Mercedes Cabral.
Base sa pagkakaalam naming, matatakutin si Yam sa horror movies kaya nakatatakang tinanggap niya ang pelikula. Hmm baka siguro gusto niyang ma-overcome ang takot niya. Sabi nga, face your fears.
Humingi kami ng details sa pelikulang ito ni direk Yam, ”No info muna for now,” saad sa amin.
Magsasanib ulit ang Viva Films at ALIUD Entertainment + ImaginePerSecond bilang producer sa horror movie ni Yam.
Isasali ba ito sa Metro Manila Film Festival 2019? ”Not really, pero we’ll see,” kaswal na sagot sa amin ng direktor.
Anyway, may sitsit naman sa amin na sa Netflix at Amazon daw ipalalabas ang nasabing pelikula nina direk Yam at Yam.
FACT SHEET
ni Reggee Bonoan
