PDP-Laban bukas na sa term sharing sa house speakership

INAMIN ni PDP-Laban President Senador Aqui­lino “Koko” Pimentel III, bukas ang kanilang par­tido para sa usaping term sharing sa ‘pinag-aaga­wang’ house speakership.

Ito aniya ang nakiki­tang solusyon ni Pimentel upang maayos na ang isyu ng bangayan sa po­sisyon sa house leader­ship sa Camara de los Representantes.

Bilang majority party iginiit ni Pimentel, dapat ang kandidato ng PDP-Laban na si Rep. Lord Allan Velasco ang mau­nang uupo sa house speakership dahil siya ang may overwhelming sup­port sa kongreso.

Magugunita, nau­nang iginiit ni Taguig Rep. Alan Peter Cayetano na nagkasundo sila ni Velas­co sa usaping term sha­ring sa house leadership ngunit itinanggi ni Velas­co na nauwi sa alitan sa pagitan ng dalawang kampo.

(CYNTHIA MARTIN)