HATAW! D'yaryo ng Bayan hatawtabloid.com
MALAKI ang papel na gagampanan ng Kongreso sa administrasyong Duterte sa banta ng impeachment, kaya nangangailangan ng matatag na liderato lalo sa House of Representatives.
Ayon sa batikang political analyst na si Mon Casiple, mainit ang usapin ng West Philippine Sea at ang banta ng impeachment hanggag sa huling nalalabing 3-taon termino ng Pangulo kaya dito papasok na dapat mayroon siyang maaasahang lider sa Kamara.
Ani Casiple, hindi man aminin ng Pangulo ay nararapat na personal pick niya ang magiging House Speaker ng Kamara.
Ang Makabayan Bloc ang nagbanta na mangunguna sa paghahain ng impeachment kay Pangulong Duterte gamit ang basehan ang statement ni Supreme Court Senior Associate Justice Antonio Carpio na ang pagpayag ng administrasyon sa mga Chinese fishermen sa Philippine Exclusive Economic Zone ay malinaw na paglabag sa konstitusyon.
Matatandaan, ang Makabayan Bloc, naghahandang magsampa ng impeachment ang isa sa mga sinusuyo ni Speaker wannabe Marinduque Rep. Lord Allan Velasco na makuha ang boto kasunod ng mahigipit na laban sa Speakership kay Taguig City Rep Alan Peter Cayetano.
Inamin ni ACT Teachers Rep Antonio Tinio na kinausap sila ni Velasco at maging ni Leyte Rep. Martin Romualdez, tumanggi siyang ihayag kung ano ang kanilang napag-usapan.
Maging ang Liberal Party ay umaming sinuyo rin ni Velasco na ang pagkakaroon ng Committee Chairmanship sa kanilang senior members ang isa sa kanyang mga pangako.
Kaugnay sa usapin ng term sharing sa Speakership na tinanggihan ni Velasco, sinabi ni Casiple, naniniwala siyang nainis si Pangulong Duterte at may malaking puntos na nawala kay Velasco.
Maituturing umano na pagtalikod ito sa hangarin ng Pangulo.
“Kung may term sharing and umayaw siya, he has lost a lot there,” pagtatapos ni Casiple.
