IKINAPAHAMAK ng tatlong sanggano ang pagwawala sa kalsada habang isa ang naaktohang nag-aabutan ng droga sa Caloocan City, kamakalawa ng gabi.
Ayon kay Caloocan Police Community Precinct (PCP) 2 commander C/Insp. Merben Bryan Lago, dakong 8:45 ng gabi nang respondehan ng kanyang mga tauhan ang tawag hinggil sa isang grupo na nag-aamok at sa L. Lupa St. ,Brgy. 32.
Pagdating ng mga pulis sa naturang lugar, natiyempohan ang tatlong suspek na nag-aaway sa nasabing kalye dahil umano sa pag-aangkinan ng shabu na nauwi sa away.
Agad inaresto ang mga nagwawala na sina Roberto Sapico, 49-anyos, ng Kadiwa St. Brgy. 27 anyos; Rodolfo Oliveria, ng Kabulusan II, Brgy. 22; at Larry Agrisola, 36-anyos ng Agila Alley, Libis Nadurata, Brgy. 18 sa siyudad.
Nang kapkapan ang mga suspek ay nakuha ang tatlong plastic sachet na naglalaman nang hindi pa matukoy na halaga ng hinihinalang shabu.
Dinala ang mga suspek sa himpilan ng pulisya at sinampahan ng kasong paglabag sa RA 9165 (Dangerous Drug Act of 2002).
Dakong 6:20 ng gabi, nagsasagawa ng detective beat patrol ang mga operatiba ng SSOU sa pangunguna ni S/Insp. Rammel Ebarle sa P. Bonifacio St., Brgy. 77 nang maaktohan ang dalawang lalaki na nag-aabutan ng isang plastic sachet. Nang komprontahin, mabilis nagpulasan ang dalawa sa magkahiwalay na direksiyon pero nagawang maaresto ng mga operatiba si Leonard dela Peña Sr., 43-anyos at nakoumpiska sa kanya ang isang plastic sachet ng hinihinalang shabu.
(rommel sales)
Check Also
10 tirador ng kableng tanso naaktohan sa pangungulimbat
SA MABILIS at koordinadong operasyon kahapon ng madaling araw, Huwebes 2 Mayo 2), matagumpay na …
Bea Alonzo naghain ng kasong cyber libel vs Cristy Fermin, Ogie Diaz
SINAMPAHAN ng tatlong magkahiwalay na cyber libel sa Quezon City Prosecutor’s Office ni Bea Alonzo …
Cedric Lee, Deniece Cornejo, 2 pa
RECLUSION PERPETUA IPINATAW vs KIDNAPPERS NG ACTOR/HOST
(ni NIÑO ACLAN) PINATAWAN ng parusang reclusion perpetua o habangbuhay na pagkabilanggo sina Cedric Lee, …
IBP to Hold the 20th National Convention of Lawyers Next Year
The Integrated Bar of the Philippines announced yesterday the holding of the 20th National Convention …
Sa Bulacan
MWP, ILLEGAL GUN OWNER, KAWATAN NG MOTOR NASAKOTE
ARESTADO ang tatlong indibiduwal na pawang lumabag sa batas sa sunod-sunod na operasyon na isinagawa …