Kuya Ipe, may kinalaman sa mabilis na paglaya ni Bong?

USAP-USAPAN sa isang umpukan ng press, mayroon daw dapat ipagpasalamat si dating Senator Bong Revilla sa kanyang matalik na kaibigang si Phillip Salvador.

Tulad ng alam ng lahat, acquitted si Bong sa kasong plunder sa desisyong ibinaba ng Sandiganbayan nitong December 7. Ito’y makaraan ng mahigit na apat na taong pagkakapiit sa PNP Custodial Center sa Camp Crame.

But of course, mag-BFF sina Bong at Kuya Ipe, hindi pa man pumutok ang umano’y involvement ng una sa pork barrel scam.

Pero it’s a known fact na kahit paano’y malapit si Kuya Ipe sa Duterte administration, he being the representative of no less than the President sa mga pagtitipong hindi nito madadaluhan for some reason.

This is not to categorically state, however, na “iginapang” ni Kuya Ipe ang release ng kanyang BFF. Pero hindi maiiwasang isipin na na-bring up ng action star ang kaso ng kanyang kaibigan para agad nang madesisyonan.

Alam nating may tatlong branches ang pamahalaan. Bawat isa’y independent. Pero hindi kaya kahit paano—for the sake of argument—ang ehekutibo (President’s office) ay “naglambing” sa hudikatura sa kaso ni Bong?

Tumatakbong re-electionist si Bong na nasa ilalim ng administration party. Imposibleng pabayaan si Bong ng kanyang mga kaalyado.

Well, just a thought na hindi imposibleng may konek.

HOT, AW!
ni Ronnie Carrasco III