Tuesday , March 18 2025
Isumbong mo kay DRAGON LADY ni Amor Virata

Pekeng sigarilyo nagkalat sa CDO

MISMO ang inyong lingkod ang nakabili ng isang kahang Marlboro fliptop kulay pula sa isang tindahan ng Intsik sa Cagayan de Oro City.

Labis na pagkahilo at pagsusuka ang aking naramdaman sa isang stick at dalawang hitit pa lamang sa isang piraso at doon ko nalaman sa aking pagtatanong na hindi lamang pala ako ang may karanasan nang ganoon dahil inamin ng aking mga nakausap na totoong nagkalat ang mga pekeng sigarilyo sa CDO City.

Sabi ng aking mga nakausap, upang hindi makabili ng pekeng sigarilyo sa SM groceries na sila bumibili dahil wala na silang tiwala sa maliliit na tindahan at sa groceries sa mga palengke dahil puro peke ang itinitindang sigarilyo.

***

Matatandaan na sinalakay noon ng mga awtoridad ang Balintawak Market dahil sa pagbebenta ng pekeng mga sigarilyo, sinundan ito ng pagsalakay ng mga awtoridad sa Marilao, Bulacan, at sa Sta. Maria, Isabela. May report na sa lalawigan ng Cavite ay mayroon din pabrika ng mga pekeng sigarilyo ng iba’t ibang brand, ngayon ay ganoon na rin sa Cagayan de Oro City.

Ilan pa kayang lugar ang bibiktimahin ng mga manufacturer ng mga pekeng sigarilyo na makasisira ng kalusugan ng tao. Kung ang pani­nigarilyo ay masama na sa kalusugan lalo na kung ito ay pekeng gawa sa tabako ay tiyak na mapa­padali lalo ang buhay ng naninigarilyo o lubhang adik dito!

MGA TSEKWA, WALANG 
DOKUMENTO  SA CDO

Maging sa Cagayan de Oro City, kali­wa’t kanan ang mga tsekwang ‘di marunong mag­salita ng wikang Filipino at walang kaukulang papeles para magnegosyo sa ating bansa.

Karamihan sa mga tsekwa ay gumagamit ng dummy sa mga business permits o lisensiya sa kanilang negosyo o isang pangalan na hindi totoo. Labis na nakapagtataka pati DTI documents ay pawang mga peke.

Walang ipinagkaiba sa Baclaran, may 3,000 tsekwa ang walang kaukulang papeles na ang nakapagtataka paanong nabigyan ng pagkakataon na makapagnegosyo sa ating bansa gayong sila ay undocumented aliens!

Hindi kaya may mga tiwaling opisyal ng Bureau of Immigration na kumakalinga sa Chinese illegal aliens?!

***

Sigurado tayo na malaki ang singil ng mga tiwaling opisyal sa mga nasabing undocumented na tsekwa!

ISUMBONG MO
KAY DRAGON LADY
ni Amor Virata

About Amor Virata

Check Also

Sipat Mat Vicencio

Si Bong Go ang lulusot na kandidato ni Digong?

SIPATni Mat Vicencio MALIBAN kay Senator Bong Go, ang walong natitirang senatorial candidates ni dating …

Firing Line Robert Roque

Problema sa disenyo o kinulimbat na pondo?

FIRING LINEni Robert B. Roque, Jr. ILANG araw makalipas ang hindi kapani-paniwalang insidente — ang …

Aksyon Agad Almar Danguilan

Molotov attacked sa kotse ng photojourn, QCPD nakapuntos na

AKSYON AGADni Almar Danguilan HINDI pa man napapasakamay ng Quezon City Police District (QCPD) ang …

Dragon Lady Amor Virata

Dyowa nga ba ng jail warden, kasabwat sa mga katiwalian sa loob ng kulungan?

Isumbong mokay DRAGON LADYni Amor Virata SINO ang isang JOI FLOR na pinagtsitsismisang dyowa ni …

Sipat Mat Vicencio

Sino kina Pia, Abby, Camille at Imee ang masisibak sa eleksiyon?

SIPATni Mat Vicencio HINDI nakatitiyak ng panalo ang apat na babaeng senatorial candidates ng administrasyon …

Leave a Reply

Your email address will not be published. Required fields are marked *