Jake, iprioridad ang boses bago ang pakikipag-engage

NATAWA naman kami roon sa kuwentong iyon daw si Charice Pempengco, na alyas Jake Zyrus na ngayon ay engaged na sa kanyang girlfriend na kinilalang isang Shyre Aquino. Eh ano ba naman ang value ng kuwentong iyon? Hindi lang naman ngayon nakipag-engage iyang si Charice, hindi ba noong araw ay iyan din ang sinabi niya sa dating live in partner na si Alyssa Quijano, at sinasabi pa ngang gusto nilang magkaroon ng anak.

Ang ending, nalaman din niyong Alyssa na malabo ang relasyon ng tomboy talaga. Kaya bigla na lang silang nag-split at iyon yatang babae ay may boyfriend na ngayon. Iyang engagement, ok lang iyan kung may posibilidad ng habambuhay na pagsasama. Hindi naman ganoon eh, dahil dito sa atin malabo pang makalusot iyang same sex marriage.

Maliwanag kasi ang mga batas sa atin, at hindi mo masasabing marami nang mga bakla at tomboy sa kongreso para mapalitan ang batas na iyan. May mga bakla sa kongreso, pero itinatago pa nila iyon at hindi nila aaminin na bakla rin sila.

Ang dapat sanang inaasikaso niyang si Jake Zyrus ay kung paano niya mailalagay sa ayos ang kanyang career. Dahil sa iniinom niyang mga hormones sa pagpipilit niyang magmukhang lalaki, nasira naman ang kanyang boses. Ngayon ang sinasabi, kahit na noong mga dati niyang fans, hindi na ganoon kaganda ang boses niya. Hindi na siya ganoon kagaling kumanta.

Iyon na muna ang asikasuhin niya bago siya makipag-engage.

HATAWAN
ni Ed de Leon

Ai Ai, naglabas ng sentimyento sa mga dating kaibigan