HATAW! D'yaryo ng Bayan hatawtabloid.com
May bagong blessing sa young recording artist na si Rayantha Leigh dahil pararangalan siya sa 5th World Class Excellence award sa Japan bilang Young Achiever Awardee, Outstanding Asia Teen Performer 2018. Ito ay gaganapin sa November 18, 2018.
Kamakailan ay nanalo si Rayantha bilang PMPC bilang Star Awards for Music’s New Female Recording Artist of the Year (Laging Ikaw-Ivory Music and Video, Inc).
Ang unang single ni Rayantha ay pinamagatang Nahuhulog na sinundan naman ng kantang Laging Ikaw na komposisyon ni Kedy Sanchez.
Bukod sa pagiging singer, sumabak na rin siya sa pag-arte sa TV at pelikula. Mapapanood si Rayantha sa pelikulang ‘Unang Yugto’ starring Lotlot de Leon at Martin Escudero ni direk Moises Lapid, sa The Prodigal Prince ng Net25 at Bee Happy, Go Lucky, kaya mapapakinabangan niya ang natutunan sa acting workshop sa Cornerstone at kay Ogie Diaz.
Nabanggit din ni Rayantha ang mga dapat abangan sa kanya.
“Bukod sa Bee Happy, Go Lucky, 9-10PM at The Prodigal Prince sa Net 25 din po, mayroon po akong upcoming mini-concert, tentative po is October 21. Plus next year po, ire-release na ‘yung new album ko and new single ko,” masayang wika niya.
Nag-e-enjoy si Rayantha sa mga pinagkakaabalahan ngayon sa kanyang showbiz career at tiniyak pa niyang kahit abala sa mundo ng showbiz, hindi niya pinababayaan ang kanyang pag-aaral.
ALAM MO NA!
ni Nonie Nicasio
