Rayantha Leigh, makakabangga sina Maymay at Kisses
Rayantha Leigh Kisses Delavin Maymay Entrata
THANKFUL ang singer/actress na si Rayantha Leigh sa nominasyong nakuha sa 2018 PMPC Star Awards For Music para sa kategoryang Best New Female Recording Artist para sa kanyang awiting Laging Ikaw na mula sa Ivory Records at sa mahusay na komposisyon ni Mr. Kedy Sanchez.
Ayon sa dalaga, “Nagpapasalamat po ako sa bumubuo ng Philippine Movie Press Club sa nominasyong ibinigay nila sa akin, hindi man po ako manalo ay isang malaking achievement na po ito sa akin.
“Nagpapasalamat ako sa parents ko (Mommy Lani and Daddy Ricky ) dahil lagi silang nandyan para suportahan ang singing career ko.”
Bukod sa nominasyon, nakatakda rin itong pumunta ng Fukouka, Japan para tumanggap ng award at magsisimula na sa Oktubre sa Net 25 ang Bee Happy Go Lucky at Prodigal Prince habang ongoing pa rin ang mall tour kasama ang mga kapwa nito members ng Ppop-Ineternet Heartthrobs.
Makakalaban ni Rayantha sa Best New Female Recording Artist sina Aiana Juarez, Maghihintay (Asian Artist Agency); Janah Zaplan, Di Ko Na Kaya (Ivory Music and Video, Inc.); Kisses Delavin, Di Ko Lang Masabi (Star Music); Kyline Alcantara, Sundo (GMA Records); Leila Alcasid, Completely In Love (Star Music); Maymay Entrata, Toinks (Star Music); Regine Tolentino, Moving To the Music (Viva Records); at Sofia Romualdez, Thinkin’ Of U (Viva Records).
(JOHN FONTANILLA)
