HATAW! D'yaryo ng Bayan hatawtabloid.com
STO. THOMAS, Davao del Norte – Patay ang isang kagawad sa Brgy. San Jose nang barilin ng hindi kilalang suspek sa bayang ito, nitong Sabado ng umaga.
Ayon sa mga pulis, pauwi sa kanilang bahay si Kagawad Jeramie Dinolan, 38, sakay ng kanyang motorsiklo, nang barilin sa bahagi ng Brgy. Katipunan.
Tinamaan ng bala sa dibdib ang biktima na agad niyang ikinamatay.
Narekober ng mga awtoridad sa crime scene ang isang fired cartridge ng .45 kalibreng pistola.
Inaalam ng mga awtoridad ang posibleng motibo sa pagpaslang sa biktima.
