Marlo, naging pag-asa ang kantang isinulat para sa ina

SA nalalapit na paglabas ng album ni Marlo Mortel, aminado ito na hindi na ganoon ka-in-demand ang physical CD dahil ang mga kanta ay nasa digital format na.

Ani Marlo sa 5th an­niver­sary ng Marlo’s World, “Kaya naman mas naka-focus na ngayon sa Spotify at iTunes atbp..

“Pero I think ‘pag mall show, mayroon akong physical album para may bibilhin at pipirmahan bukod sa poster.

“Kaya nga nanghihinayang ako na hindi ako nakaabot na uso pa ‘yung mga physical cd, pero okey lang kasi same pa rin naman ‘yun.

“At saka umabot naman ‘yung Harana, ‘yung banda namin so, nakaabot din ako na uso pa ‘yung cd.”

Si Marlo ang nagsulat ng lahat ng mga awiting nakapaloob sa album niya.

“Related siya lahat sa love story ko ha ha ha.”

Pero sa lahat ng songs sa album, ang pinakagusto niya, ay ang “siguro ‘di ko pa puwede sabihin kasi hindi pa siya naka-out pero pinaka- special ‘yung song ko sa mommy ko.

“Dapat hindi talaga kasama ‘yun eh pero ‘yun ‘yung time na super hirap na hirap na ako kaya nakagawa ako ng kanta.”

Hindi ka ba nahirapan na kantahin ‘yung song na para sa mama mo?

“Hindi naman, kasi ‘yun nga ‘yung naging outlet ko para magkaroon ng hope, kaya hindi ako medyo nahirapan.”

MATABIL
ni John Fontanilla