Nick Vera Perez, lilibutin ang ‘Pinas para sa promo ng album

NASA bansa ngayon ang  mahusay na singer/Nurse na si Nick Vera Perez para sa promotion ng kanyang album, I am Ready mula sa Warner Music Philippines at para na rin gunitain ang kamatayan ng kanyang ama at para ipagdiwang ang Mother’s Day.

Sa bonggang Grand Homecoming nito na ginanap sa Rembrant Hotel kamakailan, naikuwento nito ang katuparan ng kanyang wish na makita at makausap ang yumaong ama sa panaginip at naganap ito last May 13 sa mismong kamatayan ng kanyang pinakamamahal na ama.

Kuwento pa ng mabait at generous singer, “May 13, that’s very mabigat na day para sa akin. That was the time my father passed away. So all I wanted was to see him again, kahit man lang sa panaginip.

“After seven years, nagpakita siya sa akin. So instead of crying, I was smiling. At least na-fulfill ba? It made my day complete. So, parang ang ganda ng Mother’s Day ko, nakita ko si papa.”

Pero sa panaginip niyang ‘yun ay humihingi siya ng sorry sa papa niya. Kasi noong nabubuhay pa ito ay may nagawa rin siyang kasalanan o pagkakamali.

At sa bawat problema na kinahaharap nito ay ang kanyang kuwarto ang kanyang nagiging lugar para lumuha. “I go inside my room and then I cry.

“Kasi ako ‘yung tipong, I don’t wanna people to see me cry. I just want them to see me laugh and smile.

“Minsan lang sa life namin, hindi ko maiiwasan, namumula ‘yung mata ko. I think all artist ‘di ba, mga emotional?”

At para nga sa promotion ng kanyang I Am Ready album na  may 12 tracks including Alapaap, ‘Di Maglalaho, ‘Di Ko Na Kaya, Another Chance, Hintayin Ko Na Lang, Three Best Words, I Believe In You, Dito Sa Aking Puso, My Mom, You’re My Hero, Keep The Fire Burning Within, at I Am Ready, lilibutin nito ang ilang mall sa bansa maging TV shows at radio programs.

Kasabay din ng Grand Homecoming ni Nick ang 3rd Annual NVP1 Smile World Grand Homecoming at koronasyon ng First Ms NVP1 World 2018 na si Ms Gie Amancio ng Hongkong at kinoronahan din ang NVP 1 Smile World Grand Homecoming queen 2017-18-19-20 Ms. Dei Diaz.

MATABIL
ni John Fontanilla