HATAW! D'yaryo ng Bayan hatawtabloid.com
NAMATAY ang dalawang overseas Filipino workers (OFWs) sa Saudi Arabia nang masunog ang kanilang tinutuluyan, ayon sa opisyal ng Philippine Consulate General sa Jeddah.
Sinabi ni Consul General Edgar Badajos, naganap ang sunog dakong 10:00 pm sa Najran province, isang probinsiya sa Western Region ng Saudi Arabia.
Sinabi ni Badajos, nagpadala na sila ng team sa lugar ng insidente para makakuha ng detalye at maasikaso ang labi ng dalawang OFWs.
Base sa inisyal na impormasyon na natanggap ng konsulado mula sa kompanya ng mga namatay na OFW, sinabi ni Badajos na posibleng electrical connection ang dahilan ng sunog.
Hindi muna pinangalanan ni Badajos ang dalawang OFW na namatay habang hindi pa na-kokontak ang kanilang mga pamilya.
HATAW News Team
