Search for Miss Manila 2018, simula na

KASABAY ng pagdiriwang ng Araw ng Maynila, ang paghahanap ng makokoronahan bilang Miss Manila 2018 na gagawin sa June 26, sa Philippine International Convention Center (PICC).

Ang application form (free of charge) ay makukuha sa Tourism Office, Manila City Hall o sawww.missmanila.com. Ang deadline ng pagsusumite ng aplikasyon ay sa May 29, Martes. Para sa iba pang katanungan, tumawag sa 0917-8441145 o sa Viva office sa 687-5853 local 657.

Ang tatanghaling Miss Manila 2018 ay makatatanggap ng P1-M worth of prizes, kasama ang management contract at P500,000 cash; ang 1st runner-up ay makakukuha ng P350,000 cash; P250,000 cash naman ang 2ndrunner-up; P150,000 ang 3rd runner-up; at P100,000 ang 4th runner-up.

Ang kikitain ng timpalak pagandahan ngayong taon ay mapupunta sa medical missions, livelihood, at education project ng MARE Foundation Inc., isang non-profit institution na pinamamahalaan ng Chairwoman at Pageant Director na si Ms. Jackie Ejercito.