3 miyembro ng pamilya arestado sa child abuse (Sa Zamboanga City)

KALABOSO ang tatlong miyembro ng isang pamilya dahil sa kasong child abuse sa Governor Camins, Zambaonga City.

Kinilala ang inarestong mga suspek nitong Miyerkoles, na si Ariel Crisostomo, 51, kaniyang misis na si Rose, 48, at kanilang anak na si Archie, 28-anyos.

Ayon sa ulat, dumulog sa Sta. Maria Police Station 7 ang biktimang 13-anyos dalagita, kasama ang kaniyang ina upang isumbong na ikinakadena siya ng mga suspek  at noong Lunes ng gabi, 7 Mayo ay ginahasa umano siya ng anak ng mag-asawa.

Pahayag ni Ariel, may mga dokumento silang hawak sa pag-ampon sa bata. Ngunit pasaway at palagi umanong umaalis ng bahay tuwing gabi at madaling-araw na kung umuu­wi, kaya ikinadena ang biktima.

Dagdag ni Ariel, gusto na umano nilang ibalik ang bata sa totoong nanay dahil sa problemang dala sa kanilang pamilya.

Nais makipag-areglo sa nanay ng biktima ang mga sus­pek, na ngayon ay nakaku­long sa Sta. Maria Police Station 7.

Samantala, itinanggi ni Archie ang akusasyong gina­hasa niya ang biktima.