Michael, nakakasama na ang anak

KUNG dati-rati ay hindi in good terms ang Kapamilya actress at member ng Girltrends ng It’s Showtime na si Erin Ocampo sa ama ng kanyang anak na si Michael Pangilinan, ngayon ay okey na okey na sila.

Kahit nga wala silang set-up ukol sa financial na support ni Michael sa kanilang anak, maaasahan naman ito sa mga ibang kailangan ng  anak tulad ng gatas at diaper.

Hindi inuubliga ni Erin si Michael pagdating sa financial dahil may trabaho naman siya at kaya naman niyang tustusan sa ngayon ang mga kailangan ng kanilang anak.

Nag usap na rin sila sa araw na puwedeng makasama ni Michael ang kanilang anak para ipasyal at ihatid sa eskuwelahan.

Okey nga ang set-up nila bilang magkatulong sa pagpapalaki sa kanilang anak at hangang doon na lang ‘yun, lalo na’t pareho na silang may kanya-kanyang karelasyon at happy ang lovelife.

MATABIL
ni John Fontanilla