HATAW! D'yaryo ng Bayan hatawtabloid.com
KAPWA sugatan ang dalawang baklang lalaki makaraan magsaksakan nang magtalo hinggil pinagkasunduan nilang sa bayad sa kanilang pagtatalik sa Sampaloc, Maynila, nitong Miyerkoles.
Sinaksak ng suspek na si Angel Biel Sebulo ang biktimang si Rosalio Verano nang tumanggi umano ang biktima na ibigay ang pangakong pera kapalit ng pakikipagtalik.
Base sa imbestigasyon, nanood muna ng sine ang dalawa at pagkaraan ay dumiretso sa bahay ni Verano.
Nang hingiin ni Sebulo ang bayad bago sila magtalik ay walang ibinigay ang biktima. Bunsod nito, nagalit ang suspek, pahayag ni PO3 Dindo Encina.
Kinuha ng suspek ang ATM card ni Verano at sinaksak ng patalim ang biktima sa mukha, leeg, at tuhod, dagdag ni Encina.
Ngunit lumaban ang biktima at sinaksak ang suspek sa likod.
Kapwa nilalapatan ng lunas sa Ospital ng Sampaloc sina Verano at Sebulo.
