LA Santos, excited nang magtanghal kasama ang Halo

John Fontanilla November 27, 2017 Showbiz

VERY excited ang mahusay na singer na si LA Santos dahil makakasama siya sa concert ng sikat na Korean boy group na Halona kinabibilangan nina Dino, Inhaeng, Ooon, Jaeyong, Heechun, at Yundong na gaganapin next year sa Araneta Center.

At sa meet and greet ng Halo na ginanap sa KPub (sa Glorietta Makati City, ay kasama si LA na kitang-kita namin kung gaano ito ka-close sa grupo dahil na rin siguro sa nakasama na ito ni LA sa Korea nang pumunta roon ang guwapong singer dahil kailangan nilang mag-rehearse para sa kanilang production number para sa promo ng nasabing Araneta concert.

Speaking of promo, mariing pinabulaanan ni LA ang kumalat na balitang ipinatanggal siya ni Willie Revillame sa production number nila ng Halo nang mag-guest sa Wowowin.

May tsika kasing hindi raw nagustuhan ni Willie ang idea na pagsamahin sa production ang Korean group at si LA na isang Pinoy.

Pero ayon kay LA, in-explain naman sa kanya ng maayos kung bakit pinagsolo na lang mag-perform ang Halo. Bibigyan na lang siya ng ibang schedule para mag-guest. Okey lang naman sa mabait na singer if hindi siya nakakanta, ang mahalaga ay nakapag-perform ang Halo na maituturing na rin nitong mga kaibigan.

NADINE,
ITINANGGING
BUNTIS

MARIING pinabulaanan ni Nadine Lustre ang kumakalat na balita na buntis siya sa kanyang boyfriend at ka-loveteam na si James Reid.

“Hindi ko po alam. Baka pagkain lang po ‘yung nasa loob ng tiyan ko,” anito habang tumatawa.

Kung kailan naman ito nagbawas ng timbang ay at saka pa siya na-issue na buntis. At ang isa nga sa dahilan ng kanyang pagpayat ay ang paggi- gym.

“Naggi-gym po ako pero hindi siya regular. Controlled eating lang po ako talaga.”

Deadma lang si Nadine sa kanyang mga basher, pero ‘pag grabe at OA na ay pumapatol din siya at nagsasalita. ”Depende. May times na deadma. May times talaga na kailangan mag-speak up ka,” aniya pa.

Sa ngayon nga ay na-eenjoy nito nang husto ang pagho-host sa It’s Showtime at marami siya ritong natututuhan. ”Relax lang, maging open ka lang sa lahat ng sasabihin mo. Siyempre nakare-relate ka sa iba’t ibang klase ng tao. Nakare-relate ako kila Vice. Natututo ako mag-host.”