HATAW! D'yaryo ng Bayan hatawtabloid.com
DALAWANG award ang napanalunan ni Daniel Padilla sa nagdaang PMPC’s 33rd Star Awards For Movies na ginanap sa Resorts World Manila noong Linggo ng gabi.
Ang loveteam nila ni Kathryn Bernardo ang itinanghal na Loveteam of The Yearat si Daniel naman ang Movie Actor of the Year para sa pelikulang Barcelona (The Love Untold).
Present sa okasyon si Daniel kaya personal niyang nakuha ang dalawang trophies niya. Masaya ang aktor sa pagkapanalo ng loveteam nila ni Kathryn, pero mas doble ang kasiyahang naramdaman niya na siya ang itinanghal na Movie Actor of the Year. Ito kasi ang first time na kinilala ng isang award giving body ang husay niya sa pagganap at first time niyang tumanggap ng acting trophy.
In fairness, mahusay naman talaga si Daniel sa nasabing pelikula kaya deserved niya ang pagkapanalo. To Daniel, our congratulations.
***
SI Xian Lim naman ang itinanghal na Movie Supporting Actor of the Year para sa pelikulang Everything About Her na gumanap na anak ng bidang si Vilma Santos. Ito ang pangatlong beses na nanalo siya bilang Best Supporting Actor.
Una ay sa GEMS (Guild of Educators, Mentors and Students), pangalawa ay saGawad Tanglaw. Present din sa okasyon si Xian kaya personal niyang nakuha ang trophy.
Isa ako sa members ng PMPC at si Xian ang ibinoto ko.
Para sa akin, siya kasi ang pinaka-deserving Manalo dahil ang husay-husay niya sa pelikula lalo na roon sa hospital scene nila ni Ate Vi.
Sa mga detractor ni Xian na nagsasabi na bano siyang umarte, siguro ay hindi na nila ‘yun sasabihin dahil tatlong Best Supporting Actor na ang napasakamay niya. Ibig sabihin, mahusay nang umarte si Xian, ‘di ba? At least nag-level up ang akting. Hindi gaya ng ibang artista na kahit matagal na sa showbiz ay hindi pa rin marunong umarte.
MA at PA
ni Rommel Placente
