HATAW! D'yaryo ng Bayan hatawtabloid.com
NATAGPUAN ang bangkay ng isang 5-anyos babaeng paslit na hinihinalang ginahasa at pinatay ng 13-anyos binatilyo sa San Jose del Monte City, Bulacan, kamakalawa.
Nakita ang bangkay ng biktimang si “Mika” sa loob ng sako ng bigas na iniwan sa damuhan. May nakapulupot na cable wire at strap ng bag sa leeg ng biktima.
Kuwento ng ina ng bikima, naglalaro ang anak nang mapansin nilang biglang nawala ang paslit.
Nang suriin ang CCT sa lugar, nakitang sinundan ni Mika ang 13-anyos kuya ng kanyang kalaro papasok sa bodega ng bahay ng suspek.
Makalipas ang kalahating oras, lumabas ang binatilyo na bitbit ang isang sako ngunit wala na ang bata.
Hawak na ng pulisya ang binatilyo na ayon sa kanila, hindi gumagamit ng droga.
Ayon sa hepe ng San Jose del Monte City Police na si Supt. Fritz Macariola, hindi umamin sa krimen ang suspek ngunit umiiyak nang tanungin kaugnay sa insidente.
Iniimbestigahan kung ginahasa ang biktima dahil may mga sugat sa ari ang paslit at may pinasok sa kanyang puwitan.
Nananawagan ang pamilya na mabigyan ng agarang hustisya ang pagkamatay ng biktima.
(MICKA BAUTISTA)
