HATAW! D'yaryo ng Bayan hatawtabloid.com
Hi po Señor,
Mnsan po ay nanaginip ako na balik school ako, nag-aaral dw ulit nkita ko ‘yung friend ko s sch. Na ble kbbata ko rin po un and andami ko dala pagkain s pgpasok s sch. Pati fruits, mangga yata, nag-stop na ak sa sch matagal n dn po, tnx & ‘wag n’yo na lang po ipo-post cp ko.
To Anonymous,
Maaaring may kaugnayan ito sa kagustuhang makapag-aral ulit o kaya naman, sa panghihinayang na hindi mo nagawa ang isang mahalagang bagay sa iyong buhay. Maaaring may kaugnayan din ito sa nararamdamang inadequacy at childhood insecurities na hanggang ngayon ay hindi pa rin nareresolba.
Maaaring may kaugnayan din ito sa agam-agam hinggil sa iyong performance at abilities.
Alternatively, ang ganitong uri ng panaginip ay maaaring nagpapahayag nang ukol sa mga bagay na natutuhan sa buhay. Ikaw ay posibleng dumaraan sa “spiritual learning” experience.
Nagsasaad din ang bungang tulog mo ng ukol sa bonds at friendships na ginawa mo noong nag-aaral ka pa. Ito ay posibleng nagsasabi rin ng hinggil sa pagdududa at pag-aalinlangan sa natamong accomplishments and the goals na natapos mo na.
Maaaring pakiwari mo ay hindi mo naaabot ang expectation sa iyo ng iba. Ito ay maaaring bunsod ng ilang pangyayari o ng mga kasalukuyang sitwasyong nagaganap sa iyong buhay.
Ang hinggil naman sa napanaginipang kaibigan mo ay maaaring may kaugnayan sa aspekto ng iyong sarili na inaayawan mo, ngunit handa mo rin namang kilalanin at i-incorporate. Ang relasyon mo sa mga nakapaligid sa iyo ay may mahalagang papel upang mas makilala pa ang iyong sarili.
Alternatively, kapag napanaginipan ang isang kaibigan, ito ay nagbabadya ng pagdating ng positibong balita. Ngunit dahil childhood friend mo, ito ay nagsasaad din ng regression sa mga nakalipas mo noong wala ka pang responsibilidad, ang mga bagay-bagay ay mas simple, at carefree. Maaaring nais mong makatakas sa pressure at stress ng adulthood. Ikonsidera ang relasyon mo sa kaibigang ito at ang mga leksiyon na natutuhan sa buhay.
Alternatively, posibleng nagsasabi sa iyo ang ganitong bungang-tulog sa iyong childhood friend ay nagsa-suggests na ikaw ay umaasta sa pamamaraang childish. Dapat nang magsimulang umasta bilang isang adult.
Ang panaginip hinggil sa pagkain ay nagsa-suggest ng physical and spiritual sustenance at vitality. Ang iba-ibang klaseng pagkain ay nagre-represent ng iba’t ibang kahulugan. Ang prutas ay kadalasang hinggil sa sensuality. Ang frozen foods ay maaaring may kaugnayan sa iyong indifference o cold demeanor. Maaari rin naman na ang mga napanaginipang pagkain ay mga gustong kainin o kinakatakamang pagkain. Kung nagtatago ng pagkain sa panaginip, ito ay maaaring may kaugnayan sa agam-agam dahil sa kakulangan ng pagkain o ng mahahalagang bagay sa buhay mo. Maaaring kakulangan din ito ng pananampalataya.
Ang mga prutas ay nagpapakita ng growth, abundance at financial gain. Sa kabilang banda, ito ay maaaring nagpapaalala rin sa iyo na kailangan dagdagan ang sipag at tiyaga upang maabot ang iyong mithiin sa buhay. Maaari rin namang nagre-represent ang mga prutas, kung ito ay hinog na, ng fertility at conception.
Kapag nakakita ng mangga sa panaginip, ito ay sumisimbolo sa fertility, sexual desires, at lust. Alternatively, maaaring may kaugnayan ito sa relasyon na dapat mo nang bitiwan upang makapag-move-on ka na. Ang panaginip mo ay nagsasaad din ng new hopes, growth, desires, knowledge, at life.
Ito rin ay may kaugnayan sa strength, protection, at stability. Ikaw ay naka-focus at nagko-concentrate sa iyong pansariling development at individuation. Señor H.
