HATAW! D'yaryo ng Bayan hatawtabloid.com
INIHAHANDOG ng Flying High Entertainment Productions, in cooperation with Greenlight Productions and Red Post Productions, ang Jose Bartolome: Guro, isang advocacy film tungkol sa kahalagahan ng edukasyon.
Ayon sa independent movie director na si Ronald M. Rafer, si Karl Medina ang first and only choice niya para gumanap sa lead role ng pelikulang ito na siya rin ang lumikha ng screenplay.
“First and only choice ko si Karl Medina para gumanap na Jose Bartolome, dahil naniniwala kaming isa siyang mahusay na aktor.
“Wala na akong maisip na ibang actor para gampanan ang character. Karl is perfect!
“Very cooperative siya at very professional. He comes on time sa set, prepared, ready to work. Very friendly at warm rin siya sa lahat ng cast and crew. He also gives inputs whenever there is more to give in a scene,” lahad ni Direk Ronald.
Paano nga ba nagsimula ang film project na Jose Bartolome: Guro?
“Nagsimula ang lahat nang sinabi ko sa rati ko nang executive producer sa iba kong pelikula, si Joshua Macapagal, na it’s about time na gumawa na kami ng educational or advocacy film.
“Noong nag-yes siya, agad kong isinulat ang script at noong ipinakita ko na sa kanya, nagustuhan naman niya agad ang story which is about a dedicated teacher who values education,” kuwento ni Direk Ronald.
Dito na nagsimula ang pre-production stage ng pagbuo ng pelikula—mula sa location hunting, casting o audition, pagbuo ng production team, hanggang sa matapos ang shooting.
“Natutuwa ako at kahit na nasa Amerika ang producer namin, very supportive siya at hindi siya nagtipid sa budget, ibinigay niya kung ano ang requirements ng production,” dagdag niya.
Kasama rin sa cast ang Artista Academy runner-up na si Akihiro Blanco, ang magandang newcomer na si Jane de Leon, Domz Palomar, ang child actor na siMicko Laurente, Arpee Bautista, Grace Valencia, Arpee Bautista, at ang character actor na si Jess Evardone.
Last July 15, ginanap ang red carpet premiere night ng pelikula sa SM Megamall Cinema 10, na dinaluhan ng cast and crew, entertainment media, at iba pang special guests.
Dahil ang pelikula ay isang advocacy film on education, sa ngayon ay may inquiries na sa produksiyon para sa film screenings sa iba’t ibang eskuwelahan sa Metro Manila at mga probinsiya.
Dahil Rated-G (for General Patronage) ng MTRCB, ang pelikula ay maaaring panoorin ng anumang edad, kasama na ang mga bata.
TALBOG – Roldan Castro
