Kapalit ni Tommy, ipakikilala na ni Miho

“FRIENDS lang po ang mga ipakikilala namin sa meet and greet. Sila ang mga bagong friend ni Miho (Nishida),” pakli ni Mommy Merly Perigrino ng Miho Universal Fandom nang tanungin namin kung sino ang darating na napapabalitang kapalit ni Tommy Esguerra at makaka-partner ng PBB: 737 grand winner para sumuporta.

So, sino kaya ang special guest sa meet and greet ni Nishida sa July 23, 7:00 p.m. sa Annabels Resto, Tomas Morato?

Anyway, ang nasabing meet and greet ay pinangunahan ng Miho Universal Fandom sa pakikipagtulungan ng Miho Nation at MRM. Ito ay sa pamamahala nina Perigrino at Joan Pangilinan.

Sila ang hanapin sa gate at may registration fee na P1,000. Ang proceed nito ay para sa mga batang may cancer sa Child Haus Foundation.

Para sa mga gustong makisaya at maka-bonding si Miho, tumawag sa 09271482758.

TALBOG – Roldan Castro